Ferðasaga á Flúðir

Lagt var af stað kl 09:20 á laugardagsmorgun og haldið til Garðabæjar að horfa á minnibolta karla sem voru að keppa þar. Strákarnir unnu leikinn örugglega á móti Hrunamunnum, smá upphitun fyrir stelpurnar sem virðast geta horft á körfubolta allan daginn mér til mikillar ánægju :)

Eftir leikinn var skipt um bílstjóra þar sem þjálfarinn Bjössi mega bílstjóri tók við og héldum við af stað til Flúða. Allt gekk vel og stoppað var í Krónunni á Selfossi þar sem Bjössi átti eftir að nesta sig, stelpurnar tóku sig til og kölluðu hann pabba og voru að biðja hann um að kaupa hitt og þetta :) þeim fannst það mjög fyndið en hann sneri því nú bara við :)

Við komum til Flúða og þar tók Einar körfuboltalegent á móti okkur ásamt, Andreu, Hönnu og Nínu en gist var í félagsheimilinu eins og í fyrra, mjög fín aðstaða.

Á laugardagskvöldinu fórum við út að borða öll sömul á Grund og var það bara mjög flott, eftir það var farið að horfa á mynd en við Einar vorum nú ekkert yfir okkur hrifin af myndavalinu hjá stelpunum held að hún hljóti að hafa verið bönnuð 18 ára og yngri :) en allir bara hressir með það :)

Eins og sést á úrslitunum þá unnu stelpurnar alla sína leiki sannfærandi þó ekki sé meira sagt, ég held að þetta sé besta turnering sem þær hafa spilað, allavega var þjálfarinn mjög ánægður :) Þær voru allar félaginu sínu, þjálfara og foreldrum til sóma, alveg ferlega flottar stelpur sem við eigum.

Keyrðum við svo heim á sunnudag eftir síðasta leikinn, komumst Kambana afþví að Bjössi keyrði, undirrituð er of lofthrædd til að keyra þá upp :) enduðum svo í Garðabæ til að horfa á síðasta leik hjá strákunum í minniboltanum þar sem þeir sigruðu KR. Vorum komin heim um 18:00 á sunnudagskvöldinu.

Flott helgi og ekkert smá gaman að vera með þeim. Takk fyrir mig.

Kveðja Þórunn Þorbergs

Athugasemdir

[Inga mamma Elsu (IP-tala skráð) 22.11.2011 kl. 21:41]

Til hamingju stelpur og Bjössi! Það var rosalega gaman að horfa á þær,sjá þær spila svo vel saman og hve gott samband er þeirra á milli. Go girls!

[Kidda (IP-tala skráð) 23.11.2011 kl. 14:32]

Þið erum flottust!! :) mikið eiga þær gott að eiga ykkur!! Takk fyrir stelpuna!!

Til hamingju stelpur!! Þið eru lang flottastar ;) 

 Kidda mamma Birtu

[Bjössi þjálfari (IP-tala skráð) 23.11.2011 kl. 23:17]

Ljómandi góð saga Þórunn :)

Inga og Kidda: Þær eru bara flottastar og alltaf jafn gaman að þjálfa þessa snillinga :)