Fjáröflun - bílaþvottur

Minnum á bílaþvottinn föstudaginn 3. og laugardaginn 4. desember.  Miðað er við að hver stúlka komi með 2 bíla.  Athugið að hámarkið er 2 bílar en það er í lagi að koma með 1 bíl.

Bílbót og Lagnaþjónusta Suðurnesja leggja til bón og annað efni sem þarf við verkið.  Við munum bóna nokkra bíla fyrir þá í staðin.  Sparisjóður Keflavíkur ætlar að lána okkur Selvík 3 sem er í sama hverfi og Múrbúðin - „gamla Allt hreint húsið" til að þrífa í.

Athugið að það er skilyrði að a.m.k. einn fullorðinn fylgi hverri stúlku.

Við ætlum að byrja kl. 15:00, föstudaginn 3. desember og þurfa þær sem ætla að taka þátt í söfnuninni að koma með fyrsta bílinn þá.  Eftir að við höfum lokið við að þrífa og bóna alla bílana verður hægt að skila þeim og sækja seinni bílinn sem verður forþrifinn inn í hús og látinn þorna yfir nóttina.  Á laugardagsmorgun verður byrjað kl. 09:00 og reiknað er með að við verðum búin um kl. 15:00.

Þær sem ætla að taka þátt í þessari söfnun verða að skila inn auglýsingunni með upplýsingum um bílana í síðasta lagi á æfingunni þann 2. desember.

Vonumst til að sem flestar taki þátt,
NEFNDIN